Unhas últimas verbas!

Queridísimos lectores!

Esta é a nosa derradeira entrada e queriamos despedirnos como se merece. Foi todo un pracer poder compartir convosco esta experiencia, a nosa investigación neste campo, e poder achegarvos un pouquiño máis ás mulleres rurais da nosa sociedade, que poden estar tan preto que moitas veces nin nos decatamos!

Por todo isto, queremos agradecer a todas as persoas, asociacións e institucións que facilitáronnos a investigación e colaboraron nela, dándono-lo seu testimonio, contándonos as súas experiencias e proporcionándonos gran parte da información que empregamos...

A pesar de que pechemos unha porta, deixamos aberta unha ventá para seguir contestando as preguntas que poidan xurdir e aquí vos deixamos os nosos contactos:

Twitter:@gimur
gimur2012@gmail.com
 noa_hevia7@hotmail.com
andrea__carrera@hotmail.com
afdezso@rocketmail.com

                                                                                                                Ata sempre!

E TI, CAMBIACHES DE IDEA?

Queridos leitores, esta é unha das nosas últimas entradas no blog, e queremos compartir con vós, cómo mudou a nosa idea da muller rural dende os comezos da nosa investigación ata o momento. 

Cando empezamos co blog, tiñamos unha idea da muller limitada, un pouco retrograda e anticuada, xa que pensabamos que estas mulleres, reducíase a un ámbito propio da montaña, e tiñan un papel moi secundario e apartado en moitos aspectos e esferas da vida cotiá. Tamén tiñamos a errónea idea de que actualmente a muller predominaba na costa e o home no interior, xa que asociabamos ó predominio das mulleres no marisqueo e o dos homes nas leiras. 

Tras estes meses de pescudas, entrevistas e consulta de información, puidemos contrastar as nosas ideas principais coa verdadeira realidade que se vive e atopamos no rural galego. Agora, sabemos que o papel da muller mudou moitísimo nestas últimas décadas, e que o rol da muller gañou terreo, influencia e actividade tanto no ámbito familiar e económico, como no do traballo fóra da casa. 

Con isto, estimados leitores, queremos espertar o voso interese pola muller rural galega, tan achegada á nosa vida e a nós. 

E a vós mudouvos a imaxe e concepto que tiñades da muller rural? Ou seguides tendo a mesma? 

As blogers